Зрэшты, здзейснілася! Учора ва ўрачыстай абстаноўцы ў Палацы мастацтваў горада адбылася вельмі значная і яскравая падзея. Бабруйск быў абвешчаны сталіцай Беларусі! І, нарэшце, зараз усе мы жывём у сталіцы!

З гэтай нагоды ў Прыбярэзінскі край з’ехаліся прадстаўнікі з усёй краіны, каб у надвячорак у галоўнай культурнай установе горада стаць сведкамі перадачы эстафеты добрых спраў ад горада Маладзечна – мінулагодняй культурнай сталіцы нашай любай «зямлі пад белымі крыламі», сёлетняй сталіцы – славутаму ва ўсім свеце Бабруйску. Крыштальны сімвал і сертыфікат Культурнай сталіцы атрымаў першы намеснік Бабруйскага гарвыканкама Алег Ковель.

Але не з гэтага прыемнага моманту распачаліся ўрачыстасці, а с «закрыцця» Года культуры і ўзвядзення сваеасаблівага мастка паміж «лірыкамі і фізікамі» – культурай і навукай. Барыс Святлоў, міністр культуры, перадаючы Аляксандру Кільчэўскаму, члену-карэспандэнту Акадэміі навук, сімвалічную эстафету добрых спраў ад Года культуры – Году навукі, падкрэсліў, што «самыя вялікія і буйныя вучоны – эта творцы, бо без вобразнасці і творчасці не можа быть ніякай навукі». Аляксандр Кільчэўскі на гэта заўважыў, што «у беларускай культуры і навукі адны карані: 95 год таму быў створаны інстытут культуры, які стаў першай цаглінкай ў будынку Нацыянальнай акадэміі навук».

Падводзячы вынікі Года культуры, самыя выдатныя рупліўцы на гэтай ніве дзейнасці былі адзначаны заслужанымі ўзнагародамі. Старшыні Магілёўскага аблвыканкама Уладзіміру Даманеўскаму «за высокі ўклад у развіцё культуры Беларусі» Барыс Святлоў уручыў Нагрудны знак Міністэрства культуры.

Дыпломамі пераможцаў, кветкамі і авацыямі былі узнагароджаны шматлікія пераможцы республіканскіх конкурсаў у галіне культуры.
А што за свята без спеваў і танцаў? І яны былі! Тым больш, что ў сталіцу заўсёды прыязджаюць самыя лепшыя выканаўцы. Таму сцэна блішчэла ад зорак першай вялічыні, а глядзельная зала адбіла далоні ў апладысментах.

І увогуле, атмасфера вечара была такой, што ёй можа пазайздросціць, нават, май, – падкрэслілі вядучыя урачыстасцей Алена Спірыдовіч і Ягор Хрусталёў.

Валерый ЗIНОЎСКI (Valerij.zinovsky@yandex.ru)
Фота Iгара ДРАПЕЗЫ i Сяргея ГРЭБЕНЕВIЧА.